- സമയം 1: 30
- ഹാള്‍ടിക്കറ്റ് കൈവശമുള്ളവരെ മാത്രം പരീക്ഷാ ഹാളില്‍ ഇരിക്കാന്‍ അനുവദിക്കുക.
- ഹാള്‍ടിക്കറ്റും ഫോട്ടോയും ഒപ്പും നോക്കി പരീക്ഷാര്‍ത്ഥിയെ തിരിച്ചറിഞ്ഞ് Attendance രേഖപ്പെടുത്തുക. മെയിന്‍ ഷീറ്റ് നല്‍കുക.
- കൂള്‍ ഓഫ് ടൈം ആരംഭിക്കുന്ന 1:45 ന് മുമ്പ് മെയിന്‍ഷീറ്റ് പൂരിപ്പിക്കുവാന്‍ നിര്‍ദ്ദേശം നള്‍കുക.
- മെയിന്‍ഷീറ്റില്‍ പരീക്ഷാര്‍ത്ഥി അക്കത്തിലും അക്ഷരത്തിലും രജിസ്റ്റര്‍ നമ്പര്‍ രേഖപ്പെടുത്തേണ്ടതാണ്.
- ഇന്‍വിജിലേറ്റര്‍ രജിസ്റ്റര്‍ നമ്പര്‍ വിഷയം എന്നിവ ഒത്തുനോക്കി മെയിന്‍ ഷീറ്റില്‍ Dated Signature ഇടുക.
- ചോദ്യപ്പേപ്പര്‍ അടങ്ങിയ കവര്‍ തുറന്നിട്ടില്ലാ എന്ന് ഉറപ്പുവരുത്തിയ ശേഷം പരീക്ഷാര്‍ത്ഥികളെ ബോദ്ധ്യപ്പെടുത്തി രണ്ടു പരീക്ഷാര്‍ത്ഥികളെകൊണ്ട് പേര് രജിസ്റ്റര്‍ നമ്പര്‍ എന്നിവ എഴുതിച്ച് ഒപ്പുവെക്കേണ്ടതാണ്
- ചോദ്യപ്പേപ്പറിന്റെ കോഡ്, വിഷയം, തീയ്യതി എന്നിവ ഇന്‍വിജിലേറ്റര്‍ ഉറപ്പ് വരുത്തണം
- ചോദ്യപ്പേപ്പര്‍ അടങ്ങിയ കവര്‍ 1:40 ന് തുറക്കാവുന്നതും ചോദ്യപ്പേപ്പറുകളുടെ എണ്ണവും വിഷയവും ഉറപ്പുവരുത്തിയ ശേഷം 1:45 ന് വിതരണം ചെയ്യാവുന്നതുമാണ്
- ചോദ്യപ്പേപ്പറിന്റെ 1,3,5 പേജ്ജുകളില്‍ പരീക്ഷാര്‍ത്ഥി രജിസ്റ്റര്‍ നമ്പര്‍ എഴുതി ഒപ്പ് വെക്കണം
- കവറിന് പുറത്ത് ലേബലില്‍ തന്നിരിക്കുന്ന certificate കവറില്‍ എഴുതി ഇന്‍വിജിലേറ്റര്‍ ഒപ്പ് വെക്കുക.
- ആകെ ചോദ്യപ്പേപ്പറുകളുടെ എണ്ണം ഉപയോഗിച്ചത് ,ഉപയോഗിക്കാത്തത് , റൂംനമ്പര്‍ എന്നിവ കൂടി കവറിന് പുറത്ത് എഴുതുക.
- ബാക്കി ചോദ്യപ്പേപ്പറുകള്‍ ഉണ്ട് എങ്കില്‍ അത് കവറിലിട്ടശേഷം സെല്ലോ ടേപ്പ് വെച്ച് ഒട്ടിക്കേണ്ടതാണ്
- ഇന്‍വിജിലേറ്റര്‍ ചോദ്യപ്പേപ്പര്‍ വായിക്കാനായി എടുക്കാന്‍ പാടില്ല
- മാക്സിമം 20 പരീക്ഷാര്‍ത്ഥികള്‍ വരെയുള്ള പരീക്ഷാഹാളിലെ സീറ്റിങ്ങ് പ്ലാന്‍ പരിശോധിക്കുകയും തന്റെ ബന്ധുക്കളാരും ഹാളില്‍ പരീക്ഷക്ക് ഇരിക്കുന്നില്ല എന്ന് ഇന്‍വിജിലേറ്റര്‍ സാക്ഷ്യപ്പെടുത്തേണ്ടതാണ്.
- അഡീഷണല്‍ ഷീറ്റില്‍ പരീക്ഷാര്‍ത്ഥി രജിസ്റ്റര്‍ നമ്പര്‍ അക്കത്തില്‍ മാത്രം എഴുതിയാല്‍ മതിയാകും (സമയ ലാഭം മുന്‍നിര്‍ത്തി).
- ഇന്‍വിജിലേറ്ററോ പരീക്ഷാര്‍ത്ഥിയോ പരീക്ഷാ ഹാളില്‍ Mobile Phone ഉപയോഗിക്കാന്‍ പാടില്ല.
- വാണിംഗ് ബെല്‍ ഇത്തവണ ഉണ്ടായിരിക്കുന്നതല്ല. പിന്നിടുന്ന അരമണിക്കൂറുകള്‍ പരീക്ഷാര്‍ത്ഥിയെ അറിയിക്കുന്നത് അഭികാമ്യമാണ്. അവസാന ലോങ്ങ് ബെല്‍ അടിക്കുന്നത് വരെ പരീക്ഷ എഴുതാന്‍ വിദ്യാര്‍ത്ഥിക്ക് അവസരം നല്‍കണം.
- ആകെ Additional sheet used/Page എന്നിവ പരീക്ഷാര്‍ത്ഥി രേഖപ്പെടുത്തി എന്ന് ഇന്‍വിജിലേറ്റര്‍ ഉറപ്പുവരുത്തേണ്ടതാണ് .
- എഴുതിക്കഴിഞ്ഞ് ബാക്കിവരുന്ന ഭാഗം ഉണ്ട് എങ്കില്‍ ചരിഞ്ഞ ഒരു വെട്ട് ഇടാന്‍ പരീക്ഷാര്‍ത്ഥിയോട് ആവശ്യപ്പെടുക
- എല്ലാ പരീക്ഷാ പേപ്പറും തിരിച്ചുവാങ്ങിയ ശേഷം മാത്രം പരീക്ഷാര്‍ത്ഥികളെ ഹാള്‍ വിടാന്‍ അനുവദിക്കുക.
- ഇന്‍വിജിലേറ്റര്‍ക്കും പരീക്ഷാര്‍ത്ഥിക്കും എല്ലാവിധ നന്മകളും നേരുന്നു. നിര്‍ദ്ദേശങ്ങള്‍ ആധികാരികമല്ല.
